Novas - Promoción económica

DO 1 AO 4 DE SETEMBRO

Berocasión celebra a súa 17ª edición consolidada como a feira máis importante de Galicia en espazos abertos

Luns 29 de agosto do 2022

Presentación de Berocasión 2022

Berocasión xa cumpre 17 anos consolidada como a feira do sector máis importante de Galicia. E para que siga sendo así, Axober, en colaboración co Concello de Carballo, volve a levar as rendas da organización. Co mercado municipal de fondo, hoxe realizouse o acto oficial de presentación coa participación dos 14 concesionarios participantes; o presidente de Axober, Isidro Varela; o concelleiro de Promoción Económica, Xosé Regueira, e o alcalde, Evencio Ferrero.

Esta edición, que terá lugar do 1 ao 4 de setembro nos propios establecementos, volve a celebrarse co formato de xornadas de portas abertas, tal como acordaron os propios participantes nas distintas reunións que se levaron a cabo para organizar a feira.

Este ano, continuando coa tendencia a alza das últimas edicións, contaremos con 14 participantes:

DIMOLK - PEUGEOT
BALEATO MOTOR-RENAULT-DACIA
VEHÍCULOS JUAN LEMA
REBALCARS AUTOMÓVILES
VILAS RAMA - CITROEN
V-CAR - HYUNDAI
ANTAMOTOR -NISSAN
JGCAR
CORGAL AUTOMOVILES KIA
BERCAUTO-FIAT-ALFA ROMEO-JEEP
GARVI AUTOMÓVILES
GRUPO BREOGAN - TOYOTA
PENSADO MOTOR - SKODA
TALLER CINCO

Nas súas exposicións atoparemos vehículos de Km.0, seminovos, industriais, mixtos, de ocasión, nacionais, de importación... En definitiva, unha ampla selección de todo o que ofrece o mercado da automoción nestes momentos, con importantes descontos e con condicións especiais de financiamento.

Co desexo e a esperanza de que as boas cifras de vendas acadadas nas últimas edicións se repitan, para o que se está a facer un importante esforzo en publicidade, tanto en redes sociais coma en prensa, radio e TVG, Berocasión arrincará o xoves 1 de setembro nos establecementos participantes. A feira, en horario de 10:00 a 14:00 e de 16:00 a 20:00 durante os catro días, converterá Carballo no lugar de referencia de todas as persoas que estean buscando un vehículo á súa medida.