FIOT
Martes 25 de outubro do 2005
O Festival Internacional Outono de Teatro de Carballo, organizado pola asociación Telón e Aparte e o Concello de Carballo, entra na súa recta final. A vindeira fin de semana, ademáis das obras a representar -que serán o sábado, domingo e martes-, o Pazo da Cultura acollerá a celebración do V Certame de Dramatización de Monólogos Cómicos, do que xa se coñecen os seus finalistas. A cervexería Dublín acolleu a fin de semana as fases previas, das que resultaron gañadores Aitor Rey, cos seus Pisos de Estudantes, e Essam Nnechacchi, con Tío Sam Productions.
SESIÓN PLENARIA
Martes 25 de outubro do 2005
A renuncia de José Antonio Persical ó seu cargo de concelleiro é un dos asuntos que abordará a corporación municipal na sesión plenaria extraordinaria do 25 de outubro, a partir das 20.30 horas. É un dos dazaseis puntos que conforman a orde do día, na que destacan asuntos como a participación do Concello de Carballo no Plan de Investimentos Locais 2005 da Deputación de A Coruña, a proposta de ampliación da Zona Azul na rúa Fomento e a aprobación do proxecto básico de instalacións portuarias en Razo.
APARCADOIRO NA RÚA COLÓN
Luns 24 de outubro do 2005
O Concello de Carballo comenzou a entrega-las tarxetas de residentes que poderán utiliza-los aparcadoiros da marxen ezquerda da rúa Colón. De momento, o Concello emitíu un total de vinte tarxetas, aínda que segue a tramitar algunha solicitude máis.
REUNIÓN ALCALDES
Luns 24 de outubro do 2005
Os alcaldes de Carballo, Santa Comba, Cerceda e Tordoia manterán unha xuntanza na casa do Concello coa intención de analiza-lo deficiente estado que presenta a estrada AC-400, entre Sigrás e Muros. O deterioro da vía faise notorio nos catro municipios e en Carballo afecta especialmente ás parroquias de Berdillo, Sofán e Rus. Os catro rexedores municipais consideran necesario demandar unha entrevista na Consellería de Política Territorial có ánimo de favorecer o seu arranxo para unha mellora da comunicación.
LECER
Venres 21 de outubro do 2005
Yllana e L’Om Imprebís volverán a alza-lo telón do Pazo da Cultura na segunda fin de semana de representacións do Festival Internacional Outono de Teatro de Carballo. As compañías madrileña e valenciana únense sobre o escenario para presentar os mellores sketches de Monty Python, mestres do humor absurdo, surrealista e inxenioso. O sábado Teatro del Noctámbulo achega o seu espectáculo El Búfalo Americano e, o domingo, será o turno do francés Inmo, coas suas Historias con y sin bolas.
PLAN DE INVESTIMENTOS LOCAIS
Venres 21 de outubro do 2005
A sesión plenaria ordinaria deste mes de outubro, a celebrar o martes 25 a partir das 20.30 horas, inclúe a participación do Concello de Carballo no Plan de Investimentos Locais da Deputación de A Coruña correspondente a este exercicio. O proxecto inclúe actuacións íntegramente das redes de saneamento de diferentes parroquias do municipio. A inversión prevista para estas actuacións ascende a 790.019,02 euros. Tamén lévase a aprobación do Plan Complementario, no que se inclúen actuacións para seren financiadas cos remanentes que se puideran xerar polas baixas de licitación producidas nas obras incluidas no anterior apartado. A súa aprobación definitiva queda condicionada a que efectivamente se produzan.
SESIÓN PLENARIA
Venres 21 de outubro do 2005
O grupo de goberno de Carballo elevará a sesión plenaria do vindeiro martes a ampliación da Zona Azul na rúa Fomento. A proposta recolle a dotación de 22 prazas de aparcamento limitado pola zona azul na marxe dereita da rúa, dirección Coristanco. O goberno local trata de dar así resposta á petición dun grupo de comercios da zona co obxectivo de dinamizar máis un enclave que sigue medrando a nivel empresarial e comercial. Outro dos asuntos a debatir no pleno será unha modificación do proxecto de obra de acondicionamiento e mellora da travesía Carballo-Fisterra, co gallo de facer unha rotonda na entrada de Conservas Calvo.
RENUNCIA
Xoves 20 de outubro do 2005
O concelleiro de Deportes e Emigración, José Antonio Periscal, deu a coñecer a súa renuncia ó cargo de concelleiro da Corporación Municipal. A renuncia presentouse este xoves e se fará efectiva no pleno a celebrar o vindeiro martes. José Antonio Persical aludiu a motivos estrictamente persoais para xustifica-la súa desvinculación da Corporación de Carballo.
SERVIZO DE NORMALIZACIÓN LINGÜÍSTICA
Xoves 20 de outubro do 2005
O Servizo de Normalización Lingüística do Concello de Carballo participará nos IX Encontros para a Normalización Lingüística, organizados polo Centro de Documentación Sociolingüística de Galicia, pertencente ao Consello da Cultura Galega, e en colaboración coa Coordinadora de Traballadores de Normalización da Lingua. O Servizo de Normalización Lingüística aproveitará a cita para amosa-lo traballo que desenvolve na mostra de ideas innovadoras Proxecta, que terá lugar no mesmo lugar e de xeito paralelo aos Encontros, e na que participarán 22 entidades.
TELEASISTENCIA MÓBIL
Mércores 19 de outubro do 2005
A concellería de Servizos Sociais e o Centro de Información á Muller de Carballo presentaron o Programa de Teleasistencia Móbil para as víctimas da violencia de xénero. Unha das medidas incluidas no Plan de Medidas Urxentes para a prevención deste tipo de violencia foi encomendar á Secretaría de Estado de Servizos Sociais, Familias e Discapacidade que asuma, a través do IMSERSO, a cobretura do servicio de Teleasistencia ás víctimas da violencia de xénero que conten con orde de protección. Amplíase, para proporcionar esta cobertura, o Convenio de Teleasistencia asinado cona Federación Española de Municipios e Provincias, do que se derivará o Centro de Atención a Mulleres Víctimas da Violencia , que será financiado íntegramente polo IMSERSO.
POLÍGONO INDUSTRIAL
Mércores 19 de outubro do 2005
O grupo de goberno de Carballo demandou de Xestur a posta en funcionamiento e disponibilidade para as empresas de 74 hectáreas de solo industrial no polígono Bertoa. A inversión prevista para esta ampliación achégase ós 19 millóns de euros. Así trascendeu da xuntanza mantida polo alcalde de Carballo, Evencio Ferrero, co Delegado Provincial de Vivenda e Solo, Juan Carlos Bascuas, e dous técnicos de Xestur. Ó encontro acudiron tamén o concelleiro de urbanismo, Manuel Andrade, o de industria e comercio, Francisco Pérez e o arquitecto municipal, Alfredo Garrote.
ZONA AZUL
Mércores 19 de outubro do 2005
Esta tarde reúnense as comisión informativas de Acción Social, Participación e Persoal, de Asuntos Económicos e Especial de Contas e a de Urbanismo e Desenvolvemento. Na primeira das mesmas abordarase a ampliación da Zona Azul na rúa Fomento. A actuación comprende un dos márxenes desta vía carballesa, co obxecto de facilitar o aparcamento nun enclave de gran actividade comercial.
.jpg)