XORNADAS DO PROXECTO SINGRA
Martes 8 de novembro do 2005
O proyecto Singra da Cruz Vermella en Galicia e o Concello de Carballo organizan as primera xornadas que analizan en Galicia a relación entre as empresas e as entidades non lucrativas. Baixo o título Tercer Sector, Empresa e Acción Social, as xornadas celebraranse os días 10 e 11 de novembro no Pazo da Cultura e contarán coa presenza dos responsables das fundacións Carrefour, Eroski, Vodafone e Transportes Metropolitanos de Barcelona.
MARCHA MUNDIAL DAS MULLERES
Martes 8 de novembro do 2005
O alcalde de Carballo, Evencio Ferrero, presidiu o acto de presentación da Colcha Galega da Solidaridade na localidade, unha iniciativa na que participan as coordinadoras dla Marcha Mundial das Mulleres en Bergantiños e a Costa da Morte. Con calceta e con encaixe, respectivamente, contribuiron á elaboración dunha colcha na que tamen participan todas as demais agrupacións galegas. A Colcha da Solidaridade permanecerá exposta na Casa da Xuventude de Carballo, na segunda pranta, ata o vindeiro día 11.
CORPORACIÓN MUNICIPAL
Luns 7 de novembro do 2005
A concelleira de Praias, Cemiterio e Terceira Idade, Vanesa Viña, deu a coñecer a súa decisión de renunciar ao cargo de concelleira da Corporación Municipal. A renuncia farase efectiva no pleno a celebrar a finais deste mes de novembro. Vanesa Viña aludiu a motivos laborais para xustifica-la súa desvinculación da Corporación de Carballo.
SERVICIOS SOCIAIS
Luns 7 de novembro do 2005
O Concello de Carballo ven de acollerse ao Programa Xuntos polo Nadal, organizado pola Dirección Xeral de Acción Social e dirixido ás persoas maiores que, valéndose por si mesmas e contando con escasos recursos económicos, vaian estar soas no Nadal. No presente ano os beneficiarios da provincia da Coruña disfrutarán deste programa na Residencia de tempo libre de Panxón e no Hotel "Sada Marina" de Sada. A distribución dos participantes para cada un destes destinos levarase a cabo desde a Delegación Provincial da Vicepresidencia da Igualdade e do Benestar.
DEPORTES
Luns 7 de novembro do 2005
O Padroado Deportivo Municipal ven de convocar as axudas aos desprazamentos dos clubs, entidades, asociacióons deportivas e deportistas individuais non profesionais que participen en competicions deportivas no ambito autonómico da tempada 2004 / 2005. A convocatoria ten por obxecto establecer o réxime de concesión de subvencións a clubes deportivos, entidades deportivas, asociacións deportivas e deportistas individuais con licenza federativa de Galicia que participen en diferentes competicións no ámbito autonómico durante a tempada anterior á do presente exercicio como axuda para os desprazamentos.
ASESORAMENTO A INMIGRANTES
Venres 4 de novembro do 2005
O cónsul do Uruguai, Gonzalo Koncke Pizzorno, desprázase o sábado 5 de novembro a Carballo para atender os problemas e consulas de todos os cidadáns uruguaios residentes na comarca de Bergantiños. O cónsul vai estar á disposición dos interesados a partir das 10.00 horas na sala acondicionada para este fin polo Concello, no Pazo da Cultura.
LECER
Venres 4 de novembro do 2005
A música toma o relevo do teatro en Carballo. Tra-la celebración do Festival Internacional Outono de Teatro, o Concello achega esta noite ó Pazo da Cultura a actuación da Real Filharmonía de Galicia. A Real Filharmonía ofrecerá un concerto familiar, xunto cos Monicreques de Kukas, o que supón a primeira das actuacións incluidas no Novembro con Música, que arranca hoxe no municipio.
XUNTANZA EN MADRID
Venres 4 de novembro do 2005
O Concello de Carballo segue dando pasos para a posible construcción dun campo de golf na localidade. O alcalde de Carballo, Evencio Ferrero, e os concelleiros de Urbanismo e Industria, Manuel Andrade e Francisco Pérez, reunironse en Madrid con representantes da Federación Española de Golf para definir aspectos que redunden na futura construcción da instalación. A posible ubicación e a xestión da instalación foron os principais aspectos que se debateron na xuntanza.
XUNTANZA EN MADRID
Xoves 3 de novembro do 2005
O alcalde de Carballo, Evencio Ferrero, e os concelleiros de Urbanismo e Industria, Manuel Andrade e Francisco Pérez, axilizan en Madrid a posible construcción dun campo de golf no municipio. Representantes da Federación Española de Golf reciben ós membros do goberno local coa intención de definir aspectos que redunden na futura construcción da instalación.
SUMINISTRO ELÉCTRICO
Xoves 3 de novembro do 2005
O Concello de Carballo porá en coñecemento da Delegación Provincial de Industria, Unión Fenosa e Udesa os últimos fallos no suministro eléctrico detectados o pasado martes, coincidindo co temporal que azotou á comarca de Bergantiños. A incidencia máis notoria tivo lugar ó fío da unha e media da tarde, coa caída de dous postes da líña de media tensión entre a Milagrosa e a Feira de Berdillo.
ANEGACIÓNS
Xoves 3 de novembro do 2005
O Concello de Carballo restableceu a normalidade en varias estradas do municipio, afectadas durante toda a xornada de onte pola choiva e forte vento que padeceu a localidade. Dende ás tres da tarde de onte, e ata as oito e media, Protección Civil, a Policía Local e membros da Brigada de Obras desenvolveron as pertinentes labouras de sinalización na estrada que comunica Carballo con Santiago, anegada debido ás fortes choivas.
INCENDIOS FORESTAIS
Mércores 2 de novembro do 2005
A Xunta de Goberno local do pasado luns, 31 de outubro, aprobou o Convenio de colaboración entre a Deputación Provincial da Coruña e o Concello de Carballo para a campaña de actuación contra os incendios forestais. O obxecto de tal acordo é o de coordinar esforzos na loita contra os incendios forestais na provincia da Coruña e conseguir, desta maneira, erradica-lo impacto negativo que supoñen na economía e no medio ambiente.
.jpg)