ACTOS DO 25-N
Xoves 24 de novembro do 2005
A Delegada Provincial de Igualdade e do Benestar, Tereixa Novo, foi a encargada de inaugurar a Feira das Asocaicións que, desde as once da mañán e ata as sete da tarde, se pode visitar na Praza do Concello. Dazaoito asociacións que traballan con e para a muller participan da iniciativa, que organizan o Concello de Carballo e o Centro de Información á Muller. A Feira das Asociacións está enmarcada dentro das actividades deseñadas polo Concello co gallo da celebración, o 25 de novembro, do Día Internacional da Eliminación da Violencia Contra a Muller.
PROGRAMA EDUCATIVO
Xoves 24 de novembro do 2005
Este venres, 25 de novembro, continúa o ciclo de conferencias que organiza o Concello de Carballo e a Asociación Socio-Pedagóxica Galega dentro do programa Aprender para educar, dirixido a pais e nais. Nesta ocasión, a conferecia Educar os sentimentos, as emocións e a sexualidade trata sobre a difícil tarefa que o tema lles supón aos pais e nais. A educación emocional, dos sentimentos e a sexualidade é un obxectivo básico dunha educación integral.
CONCERTOS
Xoves 24 de novembro do 2005
O Pazo da Cultura de Carballo acolle a celebración, esta fin de semana, de tres novos concertos do Novembro con Música que organiza o Concello de Carballo. A Big Band do Conservatorio Profesional de Música de Carballo, dirixida por José Miguel Suárez Barros, interpretará música dos anos corenta e cincuenta de variados esttilos e formas, ademáis doutros temas como Alma llanera ou Faraldo, composición esta última do profesor de piano e acordeón do Conservatorio de Carballo, Manuel Bello.
ACTOS DO 25-N
Mércores 23 de novembro do 2005
Dazaoito asociacións que traballan con e para a muller participan o xoves, 24 de novembro, na Feira das Asociacións que organizan o Concello de Carballo e o Centro de Información á Muller. A Feira das Asociacións está enmarcada dentro das actividades deseñadas polo Concello co gallo da celebración, o 25 de novembro, do Día Internacional da Eliminación da Violencia Contra a Muller.
CULTURA
Mércores 23 de novembro do 2005
O profesor e escritor Sechu Sende ofrece unha charla ás 20,30 horas do mércores 23 de novembro, relacionada coa exposición Galicia en negro e azul, que se pode contemplar no Pazo da Cultura de Carballo. Sechu Sende, autor dos textos que acompañan ás fotografías da exposición, falará sobre as repercusións do afundimento do Prestige e a mobilización social posterior o accidente.
COMISIÓNS INFORMATIVAS
Mércores 23 de novembro do 2005
O mércores 23 de novembro celebranse as comisións informativas de Urbanismo e Desenvolvemento, Asuntos Económicos e Especial de Contas e de Acción Social, Participación e Persoal. Un dos asuntos que se debatirá na comisión de Urbanismo será a aprobación do Plan de Cooperación ás Obras e Servizos de competencia municipal P.O.S. 2006 e Plan Complementario. O Plan de Obras e Servicios 2006 da Deputación de A Coruña inclúe unha asignación ao concello de Carballo de 600.613,14 euros, debendo realizar o Concello unha aportación municipal mínima obrigatoria dun 5% para cada inversión. As obras incluidas no Plan de Cooperación son un total de nove, baixo un importe total de 764.018,02 euros.
EMPREGO E DESENVOLVEMENTO LOCAL
Martes 22 de novembro do 2005
A Asociación Española de Normalización e Certificación (AENOR) concedeu ao Centro Municipal de Formación Ocupacional de Carballo o Certificado de Rexistro de Empresa que acredita a ampliación no Centro dun Sistema de Calidade conforme coa norma UNE-EN ISO 9001-2000.
EDUCACIÓN
Martes 22 de novembro do 2005
O I.N.E.F ven de presentar no Salón de Plenos do Concello de Carballo o proxecto FITNESSGEAM para alumnos de Educación Primaria e Secundaria. Trátase dunha ferramenta educativa informatizada de orixe americana para a valoración da condición física relacionada coa saúde e a actividade física de nenos e xóvenes. Profesorado dos centros de ensino da localidade participou da presentación do proxecto, que se aplicará de forma experimental no último trimestre do curso escolar nos concellos de Carballo e Oleiros, pioneiros en toda Galicia.
COMISIÓNS INFORMATIVAS
Martes 22 de novembro do 2005
Xunto coa proposta do Plan de Obras e Servicios 2006 da Deputación da Coruña, a comisión informativa de Urbanismo e Desenvolvemento abordará na sesión do mércores 23, ás 18,15 horas, a iniciación de expediente de ocupación directa para apertura da ampliación da rúa Grabador Manuel Facal. O obxectivo da actuación sería o de poder comunicar as rúas Gran Vía e Vila de Negreira e desconxestionar o tráfico da zona centro.
COMISIÓNS INFORMATIVAS
Luns 21 de novembro do 2005
O mércores 23 de novembro celebranse as comisións informativas de Urbanismo e Desenvolvemento, Asuntos Económicos e Especial de Contas e de Acción Social, Participación e Persoal. Un dos asuntos que se debatirá na comisión de Urbanismo será a aprobación do Plan de Cooperación ás Obras e Servizos de competencia municipal P.O.S. 2006 e Plan Complementario. O Plan de Obras e Servicios 2006 da Deputación de A Coruña inclúe unha asignación ao concello de Carballo de 600.613,14 euros, debendo realizar o Concello unha aportación municipal mínima obrigatoria dun 5% para cada inversión. As obras incluidas no Plan de Cooperación son un total de nove, baixo un importe total de 764.018,02 euros. As incluidas no Plan Complementario son catro, cun orzamento de 46.320,42 euros.
XUNTANZA EN SANTIAGO
Luns 21 de novembro do 2005
O alcalde de Carballo, Evencio Ferrero, e a concelleira delegada de Cultura, Belén Lendoiro, mantiveron unha xuntanza en Santiago coa Conselleira de Cultura e Deporte, Ánxela Bugallo. A reunión serviu para que os representantes do grupo de goberno trasladaran diferentes prioridades para a localidade, como o aumento da colaboración e o apoio da Consellería de Cultura no deseño da programación cultural de Carballo, coa pretensión de que sexa un referente comarcal, ou o Investimento en equipamento cultural para as asociacións, sobre todo nas parroquias. Neste sentido cabe destacar a necesidade de mellora do centro social de Berdillo.
TELECOMUNICACIÓNS
Luns 21 de novembro do 2005
A Xunta de goberno local de Carballo ven de autorizar o proxecto presentado pola empresa R para achegar a todo o casco urbano da localidade a súa rede de fibra óptica, de máis de 21 kilómetros. A compañía xa deixou preparadas as canalizacións na zona centro, coincidindo coa realización das obras das rúas peonís e a travesía principal, ademáis de presentar o seu producto aos veciños do casco urbano durante os últimos días. O vindeiro venres está previsto que o Concello e a empresa asinen o convecnio de colaboración que permitirá a próxima chegada de R a Carballo.
.jpg)