BAIXADAS DE TENSIÓN
Xoves 12 de xaneiro do 2006
O Concello de Carballo ven de remitir a Unión Fenosa e á Delegación Provincial da Consellería de Industria unha reclamación dos veciños do lugar do Sixto, na que denuncian problemas de suministro eléctrico. Esta situación non é nova, xa que o Concello xa lle trasladara a Insdustria e Fenosa os mesmos problemas en febreiro de 2005. Por aquel entonces, a Delegación Provincial da Consellería de Industria abrira un expediente á empresa suministradora.
INMIGRACIÓN
Mércores 11 de xaneiro do 2006
A Casa do Concello servirá, o vindeiro domingo 15 de xaneiro, de punto de encontro da comunidade uruguaia de Carballo e de toda a Comarca de Bergantiños. A partir das 18,00 horas terá lugar esta emotivo acto no Salón de Plenos, ao que acudirá unha delegación do país de Uruguai para participar do mesmo.
POTENCIA INSUFICIENTE
Mércores 11 de xaneiro do 2006
O Concello de Carballo ven de remitir a Unión Fenosa e á Delegación Provincial da Consellería de Industria unha copia das sinaturas recolidas entre a comunidade veciñal do lugar de Xoane da Carretera, da parroquia de Goians, onde denuncian a insuficiente potencia de suministro eléctrico que reciben nas súas vivendas.
BARÓMETRO MUNICIPAL
Mércores 11 de xaneiro do 2006
O ano 2005, no que Carballo superou a cifra dos 30.000 habitantes, supuxo para a localidade un saldo positivo de máis de 400 habitantes, cifra record para o concello en movementos netos. Son datos do Barómetro Administrativo Municipal, dado a coñecer esta mañán polo alcalde de Carballo, Evencio Ferrero, e o concelleiro delegado de Facenda, José Antonio Viña. A cifra de habitantes, con datos de 30 de setembro, sitúase en 30.083, sendo a idade media da poboación de 42,9 anos, un dato que tamén baixa en relación a exercicios anteriores.
CULTURA
Martes 10 de xaneiro do 2006
A periodista ourensana, Ángela Rodicio, ofrecerá o vindeiro venres, 13 de xaneiro, unha charla no Pazo da Cultura, na que comentará a súa experiencia como corresponsal de guerra. Será o primero dos actos incluidos na programación cultural deste mes de xaneiro, na que a música será tamén protagonista. A conferencia da periodista xa figuraba na programación da Concellaría de Cultura hai un par de meses, aínda que por aquel entonces tívose que suspender por problemas de axenda de Ángela Rodicio.
OBRAS NO LITORAL
Martes 10 de xaneiro do 2006
A primeira fase das obras de recuperación do sistema natural de Razo e Baldaio estará rematado para o verán. Así o confirmou o xefe da Demarcación de Costas de Galicia, Rafael Eimil, despois dunha xuntanza con membros do grupo de goberno de Carballo, onde fixaron a orde para executar as obras incluidas nos plans de restauración do sistema natural de Razo e Baldaio e a recuperación do complexo dunar. Costas pretende iniciar esta mesma semana esta última actuación, que inclúe a canalización do regato da zona da explanada, da que xa se fixo o replanteo.
VISITA INSTITUCIONAL
Martes 10 de xaneiro do 2006
A Delegada Provincial da Consellería de Presidencia, Administracións Públicas e Xustiza, Mª Esther González Saavedra, visitou este martes, 10 de xaneiro, Carballo. O alcalde, Evencio Ferrero, e outros membros da Corporación Municipa,l recibiron á Delegada Provincial ás 09,00 horas na Alcaldía. A ocasión foi aproveitada polo grupo de goberno para facer entrega do dossier de necesidades de infraestructuras e investimentos en Carballo, ademáis de falar doutros aspectos como o proceso de regularización das liñas de axuda da Xunta de Galicia. Mª Esther González Saavedra tivo ocasión de visitar as obras de acondicionamento que se están a desenvolver no Concello -das que participa a Consellería de Presidencia mediante subvención- e o Edificio dos Xulgados.
CULTURA
Martes 10 de xaneiro do 2006
O Vicepresidente da Xunta de Galicia, Anxo Quintana, inaugura este mércores, 10 de xaneiro, a exposición Nazón de Breogán en Carballo. O acto, no que participarán entre outros o alcalde de Carballo, Evencio Ferrero, a delegada provincial de Cultura e Deporte, Milagros Lantes, e a concelleira de Cultura, Belén Lendoiro, celÉbrase na Sala de Expsicións do Pazo da Cultura a partir das 20,00 horas.
OBRAS
Martes 10 de xaneiro do 2006
Durante a tarde noite do martes reanudáronse as obras de construcción da rotonda entre as rúas Sol, Santa Ana, Oriente, Vila de Negreira e Milagrosa. Os traballos foron adxudicados á Unión Temporal de Empresas GAOS Contratas y Construcciones SL e Obras y Contratas AEDES SL, no prezo de 157.979,70 euros. O prazo de execución dos traballos é de 6 meses.
CARBALLO LIMPO
Martes 10 de xaneiro do 2006
A Brigada de Medio Ambiente do Concello de Carballo colocou un total de 95 colectores -de reciclaxe de papel, reciclaxe de vidro e lixo- desde o mes de xuño do ano 2006. A medida, levada a cabo conxuntamente polas concellarías de Servizos e Mantemento e Medio Ambiente, é unha máis das que se desenvolven dentro da campaña Carballo Limpo. O obxectivo que persegue esta iniciativa é a de mellorar os servizos aos veciños do Concello, ademáis de favorecer a reciclaxe e facer máis cómoda a utilización dos colectores para o usuario. En total colocáronse 19 colectores para a reciclaxe de papel, 17 para a reciclaxe de vidro e 59 para o lixo.
VISITA INSTITUCIONAL
Luns 9 de xaneiro do 2006
A Delegada Provincial da Consellería de Presidencia, Administracións Públicas e Xustiza, Mª Esther González Saavedra, visita este martes, 10 de xaneiro, Carballo. A visita serverá para que a Delegada Provincial coñeza as obras de acondicionamento que se están a desenvolver no Concello -das que participa a Consellería de Presidencia mediante subvención- e visite, con posterioridade, o Edificio dos Xulgados.
DEPUTACIÓN PROVINCIAL
Luns 9 de xaneiro do 2006
A Xunta de Goberno Local ven de aprobar a solicitude de dúas subvencións á Deputación da Coruña en materia de servizos sociais e políticas de igualade. O importe global das mesmas supera os 200.000 euros e a súa solicitude responde á convocatoria de programas dirixidos a concellos para actividades e investimentos da Deputación Provincial da Coruña, coa finalidade de apoiar aos concellos na creación ou no mantemento de actividades na política de igualdade entre mulleres e homes. Esta convocatoria coincide coa de subvencións dirixidas aos concellos para Programas de Desenvolvemento de Servicios Sociais no ano 2006.
.jpg)