EMPREGO
Martes 17 de xaneiro do 2006
O Centro Municipal de Formación Ocupacional pecha a oferta de traballo presentada pola superficie comercial MERCADONA S.A. coa formalización das contratacións do persoal para a nova área que abrirá no vindeiro mes de marzo, segundo informou o concelleiro de Participación Veciñal, Emprego e Promoción Económica, Manuel Trigo. O número total das contratacións efectuadas pola empresa referida ascende a 31 persoas, das cales 26 proceden da preselección efectuada previamente polo Centro Municipal de Formación e soamente 5 son prazas reservadas para traslados procedentes de outros supermercados da mesma cadea.
LECER
Luns 16 de xaneiro do 2006
A pista de xeo habilitada no Pavillón Polideportivo Bergantiños pechou as súas portas o pasado domingo. A iniciativa foi todo un éxito no período de nadal, xa que acudiron ás instalacións máis de 12.000 persoas no mes que estivo en funcionamento. A pista de xeo volverá a ter un espazo en Carballo o vindeiro inverno, trala boa acollida que tivo entre os veciños de Carballo e a comarca de Bergantiños.
CULTURA
Luns 16 de xaneiro do 2006
O teatro e a música serán os protagonistas dos Venres Culturais que o Concello de Carballo oferta ata o vindeiro mes de abril. A concelleira de Cultura, Belén Lendoiro, e o alcalde de Carballo, Evencio Ferrero, presentaron un extenso programa que conta con actuacións de primeira liña para todas as idades. A representación de Hamlet, un clásico da literatura universal, a cargo da compañía R.T.A, será o prato forte do programa. Baixo a dirección de Lino Braxe, a obra conta cun reparto de primeiro nivel dentro da escea galega, con actores e actrices como Luis Tosar, Manuel Manquiña, Víctor Mosquera ou Flor Maceiras.
PATRIMONIO
Luns 16 de xaneiro do 2006
Este luns, 16 de xaneiro, comezan os traballos de elaboración do Inventario de Bens Municipal, baixo a supervisión do concelleiro de Patrimonio, José Antonio Viña, e o secretario municipal. A empresa encargada de realizar eses traballos conta cun prazo de seis meses para a súa conclusión. O goberno municipal pretende así mellorar un servizo que posibilitará a localización, documentación, e rexistro de tódolos bens do Concello que sexan inventariables. A súa elaboración costará en torno aos 80.000 euros.
SEVIZOS SOCIAIS
Venres 13 de xaneiro do 2006
Os maiores do concello que queran participar no Programa de Termalismo Social do Imserso poden facer xa a súa solicitude. Os que non dispoñan das mesmas, xa remitidas polo Imserso ao domicilio dos solicitantes do ano pasado, poden recollelas nos Servizos Sociais do Concello de Carballo. Tamén poden descargarse os modelos na páxina do Programa de Termalismo Social, onde pode ampliarse a información dunha iniciativa que proporciona aos pensionistas, que por prescripción facultativa o precisen, os tratamentos que se prestan nos balnearios, a precios reducidos.
CULTURA
Venres 13 de xaneiro do 2006
A Concellaría de Cultura inicia este venres, 13 de xaneiro, o seu Programa Cultural do Pazo da Cultura, que se desenvolverá entre os meses de xaneiro e abril. Comeza este programa cun acto patrocinado por Caixanova, a conferencia Unha muller na guera a cargo da periodista ourensá Ángela Rodicio. A conferencia estaba prevista para o pasado 17 de nopvembro, aíanda que tivo que ser aprazada por motivos laborais da xornalista.
VISITA
Venres 13 de xaneiro do 2006
O Director Xeral de Cultura, Xosé Luis Bará, visita este venres Carballo cun dobre obxectivo. A primeira hora da tarde está previsto que acuda ao Local Social de Berdillo, onde manerá unha xuntanza coa Asociación desta parroquia do concello. Con posterioridade, e no Pazo da Cultura, manterá un encontro coas asociacións da Comarca de Bergantiños. A ambas xuntanzas acudirá tamén a Delegada Provincial de Cultura e Deportes, Milagros Lantes.
CULTURA
Venres 13 de xaneiro do 2006
O alcalde de Carballo, Evencio Ferrero, e os concelleiros delegados de Cultura e Terceira Idade, Belén Lendoiro e Antonio Longueira, presentaron o programa das festas do Antroido, a celebrar na localidade a finais deste mes de febreiro. A intención do Concello é a de que a xente viva o antoido na rúa, con numerosas actividades para tódalas idades. Candido Pazó será o encargado de ler o pregón inaugural das festas, o día 24 a partir das 21,00 horas.
REFORMA
Venres 13 de xaneiro do 2006
A Comisión Superior de Urbanismo ven de aprobar, por unanimidade, a modificación puntual número 8 do Plan Xeral de Ordenación Municipal , que afecta ao ámbito da Praza do Concello. O dictame permite así convocar a mesa de contratación para examinar a oferta presentada para a construcción do parking subterráneo e o novo edificio comercial neste ámbito.
INCENDIO
Venres 13 de xaneiro do 2006
A Consellería de Política Territorial confirmou que este luns, 13 de febreiro, comezan os traballos de desmantelamento da parte superior dos andéns da Estación de Autobuses, afectada polo incendio da madrugada do pasado venres. Está previsto que eses traballos comecen ás 15,00 horas e optarase por desmantelar toda a cuberta, debido ao risco que supón a situación actual.
BALANCE ANUAL
Xoves 12 de xaneiro do 2006
Protección Civil de Carballo deu a coñecer o balance de actuaccións do pasado ano 2005, no que se contabilizaron un total de 2.001 intervencións. É a segunda cifra máis elevada da última década, só superada polas máis de 2.600 intervencións do ano 1996. En total realizáronse 292 emerxencias, das que 25 foron en outros concellos de Bergantiños e Costa da Morte.
CATASTRO MUNICIPAL
Xoves 12 de xaneiro do 2006
Este venres, 13 de xaneiro, conclúe a revisión do catastro de bens inmobles rústicos do término municipal de Carballo. Ponse fin así a un proceso de 18 meses de duración, que incluiu a ampliación do prazo de revisión en dúas semanas. Durante un mes, a elevada participación dos veciños foi a tónica predominante da revisión, xa que foron moitas as persoas que se acehgaron ao Pazo da Cultura para examinar os planos, recoller a documentación que lles faltaba, realizar as alegacións sobre erros, falta de inclusión de parcelas, etc. Este venres, ás 13,30 horas, darase por pechado o prazo disposto polo Concello e a empresa Ditecar para a revisión.
.jpg)