CULTURA
Xoves 9 de febreiro do 2006
O Pazo da Cultura de Carballo acolle este sábado, 11 de febreiro, unha actuación da Aula de Teatro da Universidade de Santiago Compostela, que representará a súa última montaxe O veloiro de Pat O’Connor, a partir das 21,00 horas. Esta compañía de teatro afecionado está dirixida por Roberto Salgueiro e a obra a representar está baseada no texto de N. Bela Os cravos de prata, estreada o pasado mes de decembro en Santiago.
SERVIZOS
Xoves 9 de febreiro do 2006
A Delegación Provincial da Consellería de Innovación e Industria ven de asinar número de expediente e iniciar a tramitación correspondente á reclamación contra Unión Fenosa por deficiencias de suministro eléctrico en Xoane.
SERVIZOS
Xoves 9 de febreiro do 2006
Co fin de efectuar os traballos de mantemento e desenvolvemento da rede, necesarios para poder atender nas mellores condiciones as necesidades de suministro da zona, Unión Fenosa deixará fora de servicio unha serie de instalacións o vindeiro domingo, 12 de febreiro, desde as 09.00 horas ata as 10,00 horas.
CULTURA
Mércores 8 de febreiro do 2006
Este mércores, 8 de febreiro, continúa o programa de visitas na Ludoteca Municipal que ven realizando o Centro Rural Agrupado durante os meses de febreiro e marzo. Nesta visita estarán uns vintecinco rapaces e rapazas da parroquia de Berdillo.
DEPORTE
Mércores 8 de febreiro do 2006
O Consello de Administración do Padroado Deportivo Municipal de Carballo reúnese o vindeiro venres, 10 de febreiro, para abordar diferentes asuntos que conforman a orde do día. Entre eles figuran a aprobación do borrador dos Estatutos do Padroado ou a aprobación do proxecto de presuposto do ano 2006.
MEDIO AMBIENTE
Mércores 8 de febreiro do 2006
A Consellería de Medio Ambiente ven de comunicar ao Concello de Carballo a paralización da tramitación do expediente de concesión para aproveitamento hidroeléctrico no río Carral, na parroquia de Sofán. O inicio dos trámites para a revisión do Plan Sectorial Hidroeléctrico das bacías hidrográficas de Galicia-Costa provocou a suspensión provisional da tramitación administrativa de todas aquelas solicitudes de concesión de aproveitamentos con fins hidroeléctricos que se atopen en trámite á data de entrada en vigor deste decreto, en tanto non se produza a aprobación da revisión do dito instrumento de ordenación.
MEDIO AMBIENTE
Martes 7 de febreiro do 2006
Unha cuadrilla da Brigada de Medio Ambiente, en colaboración con membros do Servizo de Limpeza Viaria, iniciou este martes os traballos de limpeza da franxa litoral do concello.
CULTURA
Martes 7 de febreiro do 2006
Ademáis da actuación do Ballet de San Petersburgo, o Pazo da Cultura acollerá esta fin de semana una nova actuación enmaracada no programa dos Venres Culturais do Concello de Carballo. O venres, 10 de febreiro, a partir das 21,00 horas, a compañía Bucanero&EME2 Produccións, achegará ao público a obra Por un millón de dólares.
CULTURA
Martes 7 de febreiro do 2006
O vindeiro domingo, 12 de febreiro, o Pazo da Cultura acollerá, a partir das 20,00 horas, a actuación do Ballet de San Petersburgo con La Bella Durmiente, dirixida por Alexander Bruskin, coa música de P.I. Chaikovski e a coreografía de Marius Petipa. A actividade é froito do convenio entre Caixanova e a Deputación da Coruña, ademáis da colaboración da entidade bancaria co Concello de Carballo.
XUNTANZA
Luns 6 de febreiro do 2006
O Deputado Provincial Pablo Villamar anunciou na visita que fixo a Carballo o pasado sábado o inminente inicio da construcción dun ascensor panorámico no Pazo da Cultura e a habilitación da planta superior como sala de exposicións. O ascensor enlazará a terraza da cafetería coa última planta do Pazo, mentres que a sala de exposicións contará cunha superficie de 300 metros cadrados. O prezo de licitación do proxecto foi de casi 150.000 euros.
XUNTA DE GOBERNO LOCAL
Luns 6 de febreiro do 2006
A Xunta de Goberno Local celebrada este luns acordou a autorización de dez novos vaos permanentes en distintas zonas de Carballo. Estas solicitudes de licenza, que se suman outras xa autorizadas en sesións anteriores, estanse a realizar a raíz da campaña de inspección dos vaos irregulares nas vías urbanas da localidade. As novas licenzas de vao permanente correspóndense coas rúas Xesta, Río Miño, Río Lérez, Avda. Fisterra, Río Ulla (2), Uruguai, Río Anllóns, Portugal e Avda. Cristina.
XUNTA DE GOBERNO LOCAL
Luns 6 de febreiro do 2006
A Xunta de Goberno Local aprobou na súa última sesión as bases do Concurso de Disfraces, Comparsas e Carrozas do Antroido 2006, a celebrar en Carballo entre o 24 e o 28 de febreiro. O programa deseñado pretende fomentar a participación de tódolos cidadáns, favorecer a súa creatividade e crear un ambiente festivo nas rúas e prazas. Ademáis do Concurso de Disfraces, Comparsas e Carrozas, o programa inclúe charangas e outros grupos de animación de rúa, obradoiros de elaboración de disfraces, máscaras e maquillaxe e xogos destinados especialmente aos nenos e nenas, un Desfile-Concentración escolar e outras actividades de animación.
.jpg)