.jpg)
Inicio Carballo ao día Hemeroteca
Mércores 15 de marzo do 2006
A Comisión Especial de Seguridade Cidadán reunirase o vindeiro luns, 20 de marzo, cos Directores dos I.E.S de Carballo na Casa do Concello. A xuntanza, que comezará ás 19,00 horas, ten por obxecto analizar a seguridade cidadán nos centros de ensino.
Mércores 15 de marzo do 2006
Este mércores veñen de comenzar os traballos para a instalación dun novo ascensor na Casa do Concello. Varios operarios traballan, desde o mediodía, na descarga dos materiais precisos para dotar ao Concello deste novo servizo.
Martes 14 de marzo do 2006
Máis de 200 persoas participaron a pasada fin de semana nas visitas guiadas ao planetario que formou parte das actividades que se están a desenvolver na exposición Os secretos do cosmos. As visitas escolares continúan ao longo desta semana á exposición, que se pode contemplar no Museo de Bergantiños.
Martes 14 de marzo do 2006
A Corporación Municipal de Carballo aprobou, cos votos a favor do grupo de goberno, o Orzamento Xeral do Concello para o exercicio 2006. Foi durante unha sesión plenaria extraordinaria que se prolongou por espazo de dúas horas. As contas ascenden a 19.467.047,06 euros, dos que 5.752.214,64 destinaranse a inversións.
Luns 13 de marzo do 2006
Este mércores, 15 de marzo, remata o prazo para solicitar a autorización para a colocación de Instalacións de Tempada de Praias en zona de Dominio Público Marítimo Terestre.
Luns 13 de marzo do 2006
A Deputación da Coruña ven de convocar diferentes Bolsas e Premios para o presente ano 2006. O Concello de Carballo pon en coñecemento dos interasados as bases destas Bolsas e Premios, por se alguén quere participar das mesmas.
Luns 13 de marzo do 2006
A Corporación Municipal de Carballo reúnese esta tarde de luns, 13 de marzo, nunha sesión plenaria extraordinaria para debatir o Orzamento Xeral do Concello para o exercicio 2006. O pleno ten lugar logo da celebración de dúas comisións informativas nas que as diferentes formacións políticas do concello tiveron ocasión de coñecer en profundidade a proposta do grupo de goberno. A sesión plenaria comeza ás 20,30 horas.
Venres 10 de marzo do 2006
O Instituto enerxéctico de Galicia, en colaboración co Instituto de Diversificación, Ahorro y Eficiencia, organiza un curso divulgativo sobre a eficiencia enerxética na agricultura, co fin de impulsar novos hábitos de aforro de enerxía neste sector. O curso celébrase o sábado, 11 de marzo no Pazo da Cultuta, de 10,00 horas a 13,00 horas.
Venres 10 de marzo do 2006
Este venres, 10 de marzo, continúa a programación dos Venres Culturais do Concello de Carballo da man de Sarabela Teatro. A compañía galega representa, a partir das 21,00 horas no Pazo da Cultura O Heroe, dirixido por Ánxeles Cuña e baseado no conto homónimo de Manuel Rivas incluido na obra As Chamadas Perdidas.
Venres 10 de marzo do 2006
A Dirección Xeral de Xuventude e o Concello de Carballo traballan na redacción dun convenio de coaboración para o proxecto da Casa dos Oficios. Foi este un dos asuntos a tratar na xuntanza que veñen de celebrar en Santiago o Director Xeral de Xuventude, Rubén Cela, o alcalde de Carballo, Evencio Ferrero, e o concelleiro delegado de Medio Ambiente, Turismo e Xuventude, Manuel Pan.
Xoves 9 de marzo do 2006
O vindeiro luns, 13 de marzo, celebrase unha sesión plenaria extraordinaria para debatir o Orzamento Xeral do Concello para o exercicio 2006. O pleno ten lugar logo da celebración de dúas comisións informativas nas que as diferentes formacións políticas do concello tiveron ocasión de coñecer en profundidade a proposta do grupo de goberno. A sesión plenaria comezará ás 20,30 horas.
Xoves 9 de marzo do 2006
A Comisión Especial da Muller aprobou, nunha xuntanza celebrada o 8 de marzo, unha Declaración Institucional co gallo da celebración do Día Internacional da Muller Traballadora. Na mesma, queda de manifesto que o Concello comprométese desde o ámbito municipal á promoción de campañas de sensibilización social que incidan na recesidade dun reparto equilibrado de funcións e tarefas no ámbito doméstico e na dignificación social do traballo realizado no ámbito familiar.