TURISMO
Mércores 29 de novembro do 2006
O Museo de Bergantiños acolleu a presentación do Plan de Calidade Turística para a Costa da Morte, un conxunto de productos, instrumentos e metodoloxías baseados no Modelo de Aproximación á Calidade Turística, que desde a Secretaría General de Turismo se pon a disposición das empresas e servizos turísticos da Costa da Morte para facilitar a mellora progresiva da calidade na prestación de servizos. Trátase dun programa destinado a incrementar a calidade das empresas da zona, mellornado así a calidade dos productos turísticos da Costa da Morte e, por tanto, a calidade da propia Costa da Morte como destino turístico.
LECER
Martes 28 de novembro do 2006
O director xeral de Deportes, Santiago Domínguez, estará presente o vindeiro venres no acto de inauguración oficial da pista de xero de Carballo. A iniciativa desenvólvese por segundo ano consecutivo na localidade e o recinto permanecerá aberto durante os meses de decembro e xaneiro.
CULTURA
Martes 28 de novembro do 2006
O Pazo da Cultura acolle esta semana a representación de tres obras dalgunhas das mellores compañías de teatro afecionado feito por xóvenes de Galicia, a través do certame organizado pola Dirección Xeral de Xuventude e Solidariedade. As seis mellores compañías seleccionadas polo xurado deste certame representarán o seu espectáculo en Carballo e Arteixo os días 28, 29 e 30 de novembro, ás 19,30 horas no Centro Cívico Cultural de Arteixo e ás 21,00 horas no Auditorio do Pazo da Cultura de Carballo.
TURISMO
Martes 28 de novembro do 2006
O Museo de Bergantiños acolle este mércores, 28 de novembro, a presentación pública da nova edición do Plan de Calidade Turística para a Costa da Morte 2006-2007. No acto está confirmada a presenza do deputado provincial Pablo Villamar, o xerente do Plan de Dinamización Turística, Ignacio Dosil, dous técnicos da empresa Estratexias e o alcalde de Carballo, Evencio Ferrero. O comezo da presentación está previsto para as 12,00 horas.
CONVOCATORIA
Luns 27 de novembro do 2006
A corporación municipal de Carballo reúnese este luns, 27 de novembro, en sesión plenaria ordinaria na Casa do Concello. A orde do día inclúe unha Declaración sobre o Día Internacional contra a Violencia de Xénero, con motivo da celebración desta data o pasado sábado e logo da súa lectura na Feira das Asociacións que tivo lugar a pasada semana no Xardín Municipal. Ademáis, debatirase e a adxudicación das Bolsas de Estudo e Transporte para o curso 2006-2007.
XUNTA DE GOBERNO
Luns 27 de novembro do 2006
A Xunta de Goberno Local aprobou, na súa última sesión ordinaria, as certificacións das obras número dez do Paseo Fluvial no entorno rústico do río Anllóns, por importe de 36.116,25 euros, a segunda e última da Rede de Saneamento en Taboada 1ª fase, por importe de 34.767,52 euros e única do Afirmado de camiño en Rus, por importe de 56.464,12 euros. Ademáis, a Xunta de Goberno Local aprobou concesión dunha licenza de obra para a contrucción dun edificio de 19 vivendas na rúa Alfredo Brañas.
LECER
Luns 27 de novembro do 2006
A zona do San Martiño acollerá, desde o vindeiro venres, unha pista de xeo móbil para os dous próximos meses. A iniciativa foi presentada na Casa do Concello nun acto no que tomaron parte o director do grupo Gadisa, Antonio Cortés Lobato, Manuel Martínez Bestilleiro, xestor de negocio de Caixa Galicia en Carballo, o alcalde de Carballo, Evencio Ferrero. o concelleiro de Urbanismo, Manuel Andrade, o de comercio, Francisco Pérez, a delegada provincial da Consellería de Cultura e Deportes, Milagres Lantes e César García, director de Creativa Digital, empresa que promove a Pista de Xeo Carballo 2006. Desde o vindeiro venres, 1 de decembro, e ata o 31 de xaneiro, abrirase ao público a instalación, onde se poderán alugar os patíns en perfecto estado e recibir asesoramento por parte dos monitores que velan porque todo se desenvolva con normalidade.
ASESORAMENTO A INMIGRANTES
Venres 24 de novembro do 2006
O cónsul do Uruguai, Gonzalo Koncke Pizzorno, desprázase este sábado, 25 de novembro, a Carballo para atender os problemas e consultas de todos os cidadáns uruguaios residentes na comarca de Bergantiños. O cónsul vai estar á disposición dos interesados a partir das 10,00 horas na sala acondicionada para este fin polo Concello, no Pazo da Cultura.
OBRAS
Venres 24 de novembro do 2006
O alcalde de Carballo, Evencio Ferrero, ven de asinar coa UTE Gaos Contratas y Construcciones SL e Obras y Contratas Aedes SL o contrato para a construcción da rotonda entre as rúas do Sol, Santa Ana, Oriente, Vila de Negreira e Milagrosa. O orzamento destinado para os traballos ascende a 173.795,05 euros. O prazo máximo de duración do contrato é de seis meses, contados a partir do día seguinte á sinatura da Acta de Comprobación de Replantexamento.
CULTURA
Venres 24 de novembro do 2006
O Pazo da Cultura acolle este domingo 26 de novembro, a partir das 19,00 horas, a ópera Bastián e Bastiana, de W.A. Mozart. A ópera é unha das principais novidades que ofrece este ano o programa do Novembro con Música do Concello de Carballo. Ofrécese a posibilidade de escoitar unha ópera en galego, cunha representación estreada no Festival Mozart da Coruña. Debido á expectación xerada e ao interese detectado no público, a Concellaría de Cultura puxo a disposición dos interesados as entradas no Museo de Bergantiños, podendo retirarse 4 entradas por persoa como máximo. As entradas son gratuitas.
OBRAS
Xoves 23 de novembro do 2006
O alcalde de Carballo, Evencio Ferrero, asinou este xoves o convenio coa Consellería de Política territorial, Obras Públicas e Tranposrtes para a ampliación da Ponte da Casilla. O convenio foi remitido á propia Consellería para que se proceda á súa sinatura por parte da administración autonómica. O orzamento destinado para tal fin é de até un máximo de 175.059,04 euros, en dúas anualidades para 2006 e 2007.
OBRAS E SERVIZOS
Xoves 23 de novembro do 2006
A corporación municipal de Carballo debatirá o vindeiro luns, en sesión plenraria ordinaria, a aprobación do Plan de Cooperación ás Obras e Servizos de competencia municipal 2007, no que se recollen os investimentos que o Concello ten previsto realizar no POS 2007, integrado por un total de 13 obras e un importe total de 687.656,41 euros. Na relación das actuacións figuran catro depuradoras e unha rede de saneamento en diferentes zonas do municipio, co obexctivo do grupo de goberno de sanear a zona rural e mellorar o servizo. Estas obras suceden ás recollidas o pasado exercicio no Plan de Investimentos Locais, cunha inversión cercana aos 800.000 euros, e no que se incluían melloras na rede de saneamento das parroquias de Oza, Ardaña, Bértoa, Noicela, Sofán, Sísamo, Entrecruces, Goiáns e Cances.
.jpg)