Toma de posesión de 12 traballadores/as municipais como consecuencia do proceso de estabilización laboral

Xoves 31 de outubro do 2024

Hoxe tomaron posesión dos seus cargos un total de 12 traballadores e traballadoras municipais tras rematar os procesos selectivos correspondentes á Oferta de Emprego Público (OEP) 2022 Extraordinaria ou de Estabilización.

Os nomeamentos corresponden aos seguintes postos: monitor socorrista (2), auxiliar administrativo (6), psicóloga da Unidade de Condutas Adictivas (UCA), ordenanza conserxe de instalacións deportivas, traballadora social e técnica de información e turismo. Ao acto de hoxe asistiron o alcalde, Evencio Ferrero; a concelleira de Persoal, Belén Lendoiro, e a secretaria accidental, Susana Mariño.

Antes de fin de ano, o Concello de Carballo completará o proceso de estabilización laboral, que supera os oitenta postos.