CULTURA

A Dirección Xeral de Xuventude achega o teatro afecionado a Carballo

Martes 28 de novembro do 2006

Entre as seis obras finalistas o xurado, que asistirá a todas as representacións, seleccionará as tres gañadoras, que recibirán premios por un importe de 5.500 euros. As funcións que terán lugar en Carballo son Tres Tristes Traumas, da Asociación Cultural Etrunoia de Pontevedra, o martes 28 de novembro, O método Grönholm, do Eis Teatro de Santiago, o mércores 29, e Enterradas, do grupo Trécola Teatro de Ourense, o xoves 30. A entrada a todas as representacións é gratuita. Este certame forma parte do programa Gzcrea 2006 que convoca a Vivepresidencia da Igualdade e do Benestar, e que inclúe as especialidades de teatro, artes plásticas, fotografía, moda, música, relato, poesía, vídeo, gastronomía, banda deseñada, graffiti e carteis.