CULTURA

O ‘Novembro con Música’ mestura novidades con espectáculos consolidados

Xoves 2 de novembro do 2006

Miro Casabella ofrecerá o primeiro dos concertos este venres, 3 de novembro, con motivo do 30 aniversario da AC Lumieira. A actuación comezará ás 21.00 horas. O Novembro con Música continuará o sábado 11, co Concerto de Música Tradicional Sons de Aquí, no que participan a Banda de Gaitas Municipal de Carballo, Cantareiras Xoldreira, Cantareiras Trullada, Cantareiras Espadela, Cantareiras Névedas, Cantareiras Arume, Grupo de Gaitas Nemeth e Grupo Folk Ruote, este último como convidado. O domingo 12 será a vez de Doa e Rosa Cedrón con Cantigalia. O sábado 18 haberá un concerto do quinteto de corda Pizzicato e o Festival de Corais, no que participarán o Coro Aires de Bergantiños, a Coral Polifónica de Bergantiños e a Coral Polifónica de Carballo. Cool Hamster ofrecerá un concerto de jazz o domingo 19, mentres que o mércores 22 e o xoves 23 actuarán o Grupo de Metais Santa Cecilia, cun concerto dirixido aos alumnos de 5º e 6º de EP de Carballo, e a Orquestra da Escola de Altos Estudos Musicais de Compostela. O sábado 25 actuará Coruña Brass ao mediodía, mentres que pola noite terá lugar Santa Cecilia 2006, un concerto no que participarán a Coral Polifónica de Bergantiños, a Agrupación Artística Lucero del Alba de Neda e a Coral Fonte do Souto de Culleredo. O domingo 29 haberá lugar para a ópera con Bastián e Bastiana e pechará o Novembro con Música a Banda Municipal de Carballo, cun concerto o sábado 2 de decembro.