En marcha as obras de pavimentación de máis de 40 quilómetros de vías de nove parroquias

A empresa Arias Infraestructuras continúa traballando na zona urbana e Vázquez y Reino empezou en Artes

Xoves 27 de xaneiro do 2022 Carballo ao día

Luis Lamas achegouse pola mañá ata O Cadavoso (Artes)

O concelleiro de Obras e Servizos, Luis Lamas, realizou un percorrido polo territorio para facer un seguimento das obras de mellora viaria que están en marcha nestes momentos. As boas condicións meteorolóxicas permitiron iniciar dous proxectos de pavimentación de vías, tanto no ámbito urbano coma no rural, que son executados polas empresas Arias Infraestructuras e Vázquez y Reino.

En total pavimentaranse máis de 40 quilómetros de pistas e rúas. Estas son as actuacións programadas:

Contrato vías urbanas

Empresa adxudicataria: Arias Infraestructuras
Ámbito de actuación: parroquias de Carballo e Bértoa
Tipo de vías: urbanas
Tipo de actuación: limpeza de gabias e pavimentación con aglomerado ou asfalto con rego simple, dobre ou triplo, segundo a vía, así coma, nalgúns casos, ampliación da superficie de rodaxe.
Lonxitude: 12.195 metros
Investimento: 202.902 euros
Vías: Juan Montes, Faustino Santalices, L'Isle Jourdain, Fernando Camarot, Manuel de Falla, Faustino del Río, Xosé Manuel Eirís, Orquídea, Xeranios, Enrique Labarta Pose, Otero Pedrayo, Antón Fraguas, Bolivia (na imaxe de hoxe), Reveriano Soutullo, Nardos, Pensamentos, Carré Aldao, Rosas, Caravel, Andrés Gaos, Escultor Asorey, Alfonso X O Sabio, Médico Justo Martínez, Ricardo Portela e Doutor Fleming.

Contrato vías rurais

Empresa adxudicataria: Vázquez y Reino
Ámbito de actuación: parroquias de Ardaña, Sofán, Razo, Carbalo, Bértoa, Lema, Rus, Artes e Berdillo
Tipo de vías: pistas e rúas en núcleos rurais
Tipo de actuación: limpeza de gabias e asfalto con rego simple, dobre ou triplo, segundo o uso das vías
Lonxitude: 29.610 metros
Investimento: 463.791 euros
Vías: Vivente (Ardaña), Calvelo de Arriba (Sofán), A Fronteira-Calvelo (Sofán), Rúa Neptuno (Razo), A Barreira-Cernide (Carballo), O Sisto (Carballo), Leboreo (Bértoa), As Regueiras (Lema), Guntián-As Bouzas (Sofán), O Seixo-Pardiñas (Razo e Lema), Cambrelle-Pardiñas (Razo e Lema), Porto Lago (Bértoa), Caxín (Rus), O Espiño-Berdillo (Berdillo), Calvelo-Cornaces (Sofán e Rus), Altiboa-Barbalde (Artes e Rus), Cáparos-San Sadurniño (Rus) e Cadavoso (Artes), onde están traballando agora mesmo.

Obras de pavimentación da rúa Bolivia