A poboación do noso concello aumentou en 2.917 persoas nos últimos vinte anos

A cifra oficial de habitantes a 1 de xaneiro de 2021 é de 31.414, quince menos que un ano antes

Xoves 20 de xaneiro do 2022 Carballo ao día

O municipio de Carballo ten 31.414 habitantes, segundo a cifra oficial de poboación a 1 de xaneiro do ano 2021, que vén de publicar o Instituto Nacional de Estatística (INE). Son 15 menos que o ano anterior, pero 2.917 máis que no 2001 e 108 máis que no 2011. Nestes últimos dez anos, o noso concello consolidou a súa poboación por riba dos 31.000 habitantes, aínda que con oscilacións dun ano a outro. A cifra máis baixa rexistrouse no 2017, con 31.195 veciñas e veciños, e a máis alta, no 2020, con 31.429.

Por segundo ano consecutivo, a parroquia de San Xoán Bautista supera os 20.000 habitantes e continúa sendo a máis poboada de Galicia. Ten, en concreto, 20.095, que son vinte máis que o ano anterior. Estas son as cifras do resto das parroquias:

• Aldemunde: 84
• Ardaña: 600
• Artes: 594
• Berdillo: 989
• Bértoa: 1.563
• Cances: 540
• Entrecruces: 745
• Goiáns: 420
• Lema: 435
• Noicela: 395
• Oza: 574
• Razo: 809
• Rebordelos: 205
• Rus: 999
• Sísamo: 758
• Sofán: 1.419
• Vilela: 190