OBRAS

Política Territorial investirá 600.000 euros na estrada AC-402 este ano

Venres 29 de setembro do 2006

A estrada AC-402 ven de ser mellorada nos peores tramos, co rebacheo parcial das zonas que entrañaban máis perigosidade para os conductores. A vía leva máis de 40 anos sen ter un tratamento integral e o volume de tráfico que soporta fai que non presente as mellores condicións desde hai anos, téndoselle aplicado varios traballos para subsanar deficiencias concretas, como os moitos baches que ten. A colaboración institucional entre os Concellos de Carballo, Cerceda e Tordoia, coa celebración de diferentes reunións encamiñadas a conseguir a mellora da vía, traduciose no compromiso de realizar un tratamento integral na estrada, necesario xa desde hai moitos anos.