262 deportistas disputarán os días 22 e 23 en Razo o Campionato de España de Salvamento e Socorrismo

Representantes das federacións española e galega e do Concello de Carballo presentaron a competición, á que acudirán 33 clubs de toda España

Venres 16 de xullo do 2021 Deporte

Daniel Vila, Javier Souto, Francisco Cano e Evencio Ferrero

A praia de Razo vai ser o escenario do Campionato de España de Verán de Salvamento e Socorrismo na categoría absoluta. Despois das probas infantil, cadete, xuvenil e júnior, que se disputarán en Laxe, a competición chegará ao noso concello os días 22 e 23. Hoxe presentamos o cartel coa participación de Francisco Cano Noguera, portavoz da Federación Española e director de prevención e seguridade; Daniel Vila Recarey, director deportivo da Federación Galega; Javier Souto Facal, coordinador de Protección Civil, que colaborará no desenvolvemento do torneo, e Evencio Ferrero, alcalde de Carballo.

O campionato de salvamento e socorrismo reunirá en Razo a 262 deportistas (114 mulleres e 148 homes) de 33 clubs de toda España. “Recuperamos a participación previa á pandemia. O ano pasado apostamos pola competición e fixemos campionatos, pero loxicamente a inscrición foi bastante menor, e este campionato volve a cifras pre-pandemia”, subliñou Francisco Cano.

A competición comezará o xoves 22 ás 09:00 horas. O programa da primeira xornada é o seguinte:

• Eliminatorias e finais
• Sprint praia
• Relevo sprint praia
• Nadar surf      
• Relevo salvamento con tubo de rescate
• Carreira con ski de salvamento
• Rescate con táboa de salvamento.

• Eliminatorias e finais
• Bandeiras
• Carreira con táboa de salvamento
• Oceanwoman / oceanman
• Relevo ocean  
• Relevo ocean mixto

Daniel Vila, pola súa banda, destacou que na situación sanitaria actual extremaranse as medidas de prevención. Nese sentido, Francisco Cano apuntou que a Federación Española ten “un protocolo propio moi superior ao que se pide. Levamos máis de 30 competicións nacionais polas que pasaron máis de 9.000 deportistas, e de momento temos a sorte de non ter ningún problema nese sentido”.

CLUBS PARTICIPANTES

1. Club Salvamento y Socorrismo Carballo - SYSCA
2. Club Salvamento Sada – SASA
3. Club Acuático Laracha – SAL
4. Club Salvamento Ourense – SALVOUR
5. Club Natación Cerceda
6. Club Acuático Umia
7. Club Salvamento Vilgarcía
8. Club Salvamento Arteixo – SALVAR
9. Club Salvamento Pontevedra - SAPO
10. Club Natación y Salvamento Albasit
11. Club Actividades Acuáticas Calatayud
12. Club Actividades Acuáticas Calatayud
13. Alcarreño de Salvamento y Socorrismo
14. C. D. SOS La Bañeza
15. Club Amics de Riudoms
16. C.D.E Pacífico Salvamento
17. Club Natación Top Ten Alicante
18. Club A.C.N. Marisma
19. Club Polideportivo Andorra
20. Club Natación Benidorm
21. Club Natación y Salvamento Oriol Imperial
22. Club Natación Guadalajara
23. Club Natación SOS Bétera
24. Club Deportivo Oca S.O.S
25. Club Salvamento y Socorrismo Benavente
26. Club Salvamento y Natación Silla
27. Club Deportivo Unión Esgueva SOSVA
28. Club SVAT – Tarancón
29. Club Deportivo Sirenas de Catarroja
30. Club Natació Vila – Seca
31. Club Deportivo Natación Aldaia
32. Club Deportivo Shaka Surf Life Saving
33. Club Natación Martianez