Admitidas todas as solicitudes presentadas no prazo extraordinario de inscrición no programa Concilia

Mércores 27 de xaneiro do 2021

A Concellaría de Igualdade e Benestar recibiu cinco solicitudes para o programa Concilia durante o período extraordinario de inscrición que se habilitou dende o 12 ata o 22 deste mes de xaneiro:

CEIP Fogar: 1 solicitude con almorzo.
CEIP Bergantiños: 4 solicitudes, 3 delas con almorzo.

Todas as solicitudes foron admitidas, polo que os/as cinco novos/as usuarios/as poderán incorporarse ao programa o 1 de febreiro.

Este curso, por razóns sanitarias, non hai opción de matrículas por días soltos para usuarios/as ocasionais.