Servizos municipais afectados polo cese de actividade decretado pola Xunta de Galicia ante o avance da COVID-19

Martes 26 de xaneiro do 2021

Toma nota dos servizos municipais afectados polo cese de actividade que vén de decretar a Xunta de Galicia dende o 27 de xaneiro ata o 17 de febreiro:

• Todas as instalacións deportivas municipais permanecerán pechadas ata o 17 de febreiro.

• As bibliotecas tamén estarán pechadas. Na Biblioteca Rego da Balsa poderán realizarse as devolucións na caixa de correo da entrada.

• O CMUS impartirá as clases de xeito telemático. O profesorado de cada materia porase en contacto coas familias.

• A Escola de Idiomas suspende a actividade lectiva presencial e impartirá as clases de maneira virtual.

• O Museo de Bergantiños e a Oficina de Información Turística permanecerán pechados ao público tamén ata o 17 de febreiro.

• O Coworking Carballo reduce o seu horario de apertura ao público, de xeito que funcionará de 09.00 a 18.00 horas.

• O Pazo da Cultura terá pechadas as súas instalacións agás o Rexistro, que funciona con cita previa. Tamén permanecerán pechados todos os centros sociais das parroquias.