PARTICIPACIÓN

Trinta asociacións acudiron á presentación do Regulamento de Participación Cidadá

Martes 8 de agosto do 2006

Para todas aquelas asociacións interesadas, existen copias dos estatutos para a súa retirada. As asociacións da localidade que así o desexen poden facerse cunha copia no Pazo da Cultura ou no Concello de Carballo, no departamento de Facenda.

Obxectivos

O obxectivo do Regulamento de Participación Cidadá é aproximar a administración aos cidadáns, mellorar a transparencia, fomentar o asociacionismo e favorecer a descentralización e a eficacia nas xestións. O regulmento é un órgano de colaboración activa nas cuestións de interese para as organizacións non lucrativas do Concello e está destinado a facer propostas que lles afecten aos cidadáns, por unha mellora continuada no diálogo, na relación e nos servizos que o Concello mantén con estas entidades para incrementar e soster a calidade de vida. Co novo texto preténdese establecer as formas, os medios e os procedementos de información e de participación tanto dos veciños como das entidades e asociacións na xestión municipal de Carballo. Entre os seus obxectivos fundamentais está o de crear unha serie de órganos e de mecanismos que garantan a información dos cidadáns.