CULTURA

Os fogos de artificio despiden as festas de San Xoán

Martes 27 de xuño do 2006

Para a xornada deste martes, 27 de xuño, hai tamén programada a última das verbenas, que correrá a cargo da orquestra Versalles, a partir das 22,30 horas na Praza do Concello. Para o mércores, 28 de xuño, a Comisión de Festas preparou o Día do neno nas barracas, polo que os máis pequenos terán descontos nas atraccións.

Festa do Bosque

O domingo 2 de xullo terá lugar no Bosque do Añón a tradicional Festa do Bosque, organizada pola Peña Gastronómica Os Larpeiros, no que é o último acto do programa do San Xoán. A festa comenzará ás 13,00 horas, cunha sesión vermú. Ao longo de todo o día haberá numerosas actividades, como o concurso de postres, un espectáculo de animación, a 122 edición do Campionato Mundial de baixada de augas doces de barcos de papel, xogos populares, a actuación de Os Tres Trebóns e o grupo Serrallaí e unha sesión de Dj’s.