SEGURIDADE

A Subdelegación de Goberno convoca unha Xunta Comarcal de Seguridade en Buño

Martes 6 de xuño do 2006

A Xunta Comarcal de Seguridade sucede á recente Xunta Local celebrada en Carballo, na que se puxeron de manifesto datos positivos no primeiro cuatrimestre do ano na localidade. Así, houbo un descenso de hurtos nun 22,22%, de sustracción no interior de vehículos nun 52,11%, de roubos con forza nas cousas nun 32,79%, de roubos con intimidación nun 14,29% e de sustracción de vehículos nun 77,42%. O total de delitos contra o patrimonio baixou un 50%, mentres que o descenso no total de delitos foi dun 42’58% nos primeiros catro meses de 2006.