DEPORTE

O Pazo da Cultura acolle a presentación do Torneo Internacional de fútbol 7 alevín

Xoves 25 de maio do 2006

O campionato comezará cunha fase previa, a celebrar os días 4, 10 e 11 de xuño en As Eiroas, e na que participarán 48 equipos, 16 máis que o ano pasado. Os tres mellores desta fase inicial clasificaranse para as finais, na que se atoparán outros nove equipos. A fase final terá lugar os días 16, 17 e 18 de xuño nas instalacións de Conservas Calvo. A maior parte dos equipos participantes na fase previa son da Costa da Morte, ainda que competirán outros chegados de toda Galicia, como o Pabellón de Ourense, Conxo, Cidade de Santiago, Montañeros ou Calasanz. Os tres primeiros clasificados poderán loitar polo torneo e competir con equipos de recoñecido prestixio no panorama nacional e internacional, como o Nacional de Montevideo, Sporting de Lisboa, Smena de San Petersburgo, Atlético de Madrid ou Valencia.