VENRES CULTURAIS

Susana de Lorenzo ofrece o segundo concerto do ciclo ‘En feminino’

Xoves 16 de marzo do 2006

Susana de Lorenzo conta cunha longa traxectoria na música vocal, fundou o Coro de Cámara de A Coruña, formou parte do Coro da Orquestra Sinfónica de Galicia e do Coro do Festival Mozart, cos que participou en numerosos festivais tanto en Galicia como no resto de España. A soprano estivo dirixida por importantes directores de orquestras como James Ross, co que interpretou pezas de Beethoven e Haendel, Melanie Crompton, coa que interpretou o Magnifican de Bach coa Orquestra de Cámara de Galicia, e Fernando V. Arias, co que se achegou á música de Bernstein, A. Lloyd Webber e Morricone. Susana de Lorenzo ofrece na actualidade numerosos concertos acompañada polo pianista Robert Twine, cun repertorio clásico e contemporáneo e en moitas cidades galegas.