MULLER

O Centro de Información á Muller traslada as súas dependencias a Servizos Sociais

Venres 26 de xaneiro do 2007

O Centro de Información á Muller ofrece un servizo gratuíto e desinteresado mediante as consultas persoais, telefónicas ou escritas. Este departamento, creado en 2001, proporciona aesoramento xurídico, atención psicolóxica, orientación profesional, información en materia de recursos e calquera outra información encamiñada á consecución da igualdade de oportunidades. O CIM garante en todo momento o anonimato na identidade das súas usuarias e a privacidade das cuestións que estas poidan plantexarlle ao persoal do Centro. O CIM manterá o horario de atención ao público que viña ofrecendo ás usuarias. Para consulta coa asesoría xurídica do CIM é indispensable solicitar cita previa. Os teléfonos de atención ao público seguen a ser os números 981700688 e 638123460.