Visita do presidente da Comisión de Desenvolvemento Rexional do Parlamento Europeo

Luns 25 de setembro do 2023 10.00 horas - Casa do Concello

O presidente da Comisión de Desenvolvemento Rexional do Parlamento Europeo, Jounous Omarjee, visita o Concello de Carballo. Ás 10.00 horas será recibido polo alcalde, Evencio Ferrero, e posteriormente participará nunha xuntanza de traballo.

Younous Omarjee, nacido o 30 de setembro de 1969 en Saint-Denis da Reunión, é un político francés membro da formación de esquerdas La France Insoumise (LFI). Eurodeputado desde o 4 de xaneiro de 2012, foi reelixido o 25 de maio de 2014 pola lista Union pour lles Outremer e o 26 de maio de 2019 pola lista La France Insoumise.

Tras as eleccións de 2019, foi elixido presidente da Comisión de Desenvolvemento Rexional, sendo a primeira persoa dos territorios franceses de ultramar elixida para a presidencia dunha comisión do Parlamento Europeo. Esta comisión é responsable da política de cohesión, que representa un terzo do orzamento da UE, con 351.800 millóns de euros asignados entre 2014 e 2020, que aumentarán a 337.800 millóns entre 2021 e 2027. Ademais, a comisión de Desenvolvemento Rexional é responsable das políticas e fondos relacionados coa política de cohesión: FEDER (onde se enmarcan as EDUSI), FSE+, FTJ, RescEU, REACT-EU… Esta importante política de solidariedade é fundamental para as nación e rexións europeas, as súas cidades, autoridades públicas e os cidadáns.