Cultura

Biblioteca Pública Municipal Rego da Balsa

Horario:

• De luns a venres de 09.30 a 20.00 horas.
• Sábados pola mañá de 10.00 a 13.00 horas.

A Biblioteca Pública Municipal Rego da Balsa -inaugurada en outubro de 2014- constitúe un novo espazo para a cultura, o coñecemento, a creatividade e o ocio en Carballo. Un lugar libre, aberto ás novas tecnoloxías, onde toda a veciñanza é benvida, facilitando e promovendo a accesibilidade, a inclusión social, a convivencia, a alfabetización dixital e o acceso á información. 

A Biblioteca ten como obxectivo fomentar a creación e a promoción de hábitos de lectura: achegando o coñecemento á poboación, ofrecendo un espazo flexible, dinámico e organizado, dispoñendo dunha colección viva, actualizada e adaptada á comunidade de Carballo e arredores, poñendo en valor e difundindo a creatividade galega.

Ademais dun amplo e variado fondo bibliográfico, hai prensa diaria e material audiovisual e musical para desfrutar nas propias instalacións ou en aluguer, ademais de libros electrónicos e dun espazo especial para nenos e nenas, e para bebés de 0 a 3 anos; acceso a Internet e ordenadores para usar no propio espazo.

• Web da Biblioteca Rego da Balsa
• Facebook das Bibliotecas de Carballo
• Twitter das Bibliotecas de Carballo
• Instagram das Bibliotecas de Carballo
• Pinterest das Bibliotecas de Carballo

Galería