O Concello de Carballo contribuíu ao mantemento de 24 asociacións culturais durante a pandemia
As axudas permitíronlles afrontar a importante repercusión que tivo a COVID-19 no seu funcionamento habitual
Xoves 10 de febreiro do 2022
Ruta polo río Anllóns guiada polo Instituto de Estudos Bergantiñáns
O Concello de Carballo quixo contribuír ao mantemento do tecido asociativo durante a pandemia reforzando especialmente as axudas dirixidas a entidades sociais e empresariais, pero tamén as destinadas a apoiar o asociacionismo deportivo e cultural.
En relación a este último, a liña extraordinaria de subvencións para a realización do programa anual de actividade cultural dos anos 2020 e 2021 (ata o 31 de outubro), permitiu achegar un total de 31.931,26 euros a 24 entidades, segundo a distribución que detallamos de seguido:
- Asociación Cultural Arume: 3.137,44 €
- Asociación Cultural O Candil: 1.033 €
- Asociación Cultural Mestra Carmen Cancela: 606,08 €
- Asociación Cultural San Campio de Cances: 2.145,06 €
- Centro Social San Xoán Bautista: 1.872,03 €
- Asociación de Pais Católicos San Xoán Bautista: 1.068,50 €
- Asociación Santiago Apóstol de Sísamo: 1.692,48 €
- Asociación Xuvenil Arume: 3.103,20 €
- Asociación Xuvenil Fogar da Xuventude: 668,13 €
- Asociación de Terceira Idade San Xoán Bautista: 932,69 €
- Comité de Irmanamento con L’Isle Jourdain: 587,99 €
- Coral Polifónica de Bergantiños: 1.091,75 €
- Asociación Coro Aires de Bergantiños: 640,69 €
- Asociación Cultural Mons-RNemeth: 787 €
- Asociación Cultural Coro Vagalume: 3.325,30 €
- Asociación Deportiva, Cultural e Recreativa Baldaio: 723,94 €
- Asociación Cultural e Veciñal A Fonte Salgueira: 1.110 €
- Asociación Ambiental Senda Nova: 2.185,53 €
- Asociación Instituto de Estudos Bergantiñáns: 550 €
- Asociación Deportiva, Cultural e Recreativa San Martín de Razo: 834,80 €
- Asociación de Veciños Santa María de Ardaña: 1.915,72 €
- Asociación Cultural Lumieira: 848,10 €
- Padroado Fogar de Bergantiños: 335,33 €
- Asociación Cultural Castro de Lema: 736,50 €
A convocatoria permitiu colaborar coas asociacións tanto para o desenvolvemento dos seus programas anuais de actividades como, sobre todo, para o mantemento das entidades.
Nesta ocasión incluíronse medidas de carácter extraordinario para axudar ás entidades sen ánimo de lucro a afrontar a situación anómala e excepcional provocada pola COVID-19 e atenuar a repercusión da pandemia sobre o seu funcionamento e sobre o cumprimento do seu papel na promoción cultural de Carballo. De feito, seis das asociacións só presentaron programa relativo a un dos dous anos incluídos na convocatoria e cinco unicamente presentaron gastos xerais de mantemento e xestión da propia entidade. En 7 casos tamén se contribúe con estas subvencións ao financiamento das cabalgatas de Reis do ano 2020.