Xa podes consultar os resultados do sorteo público das 13 prazas dispoñibles para a Campaña de Inverno 2018

Os/as nenos/as seleccionados/as deben presentar a documentación canto antes nas oficinas da área de Deportes, na rúa Vila de Corcubión

Venres 19 de xaneiro do 2018

Con bastante público, sobre todo infantil, a última hora da tarde do xoves celebrouse o sorteo das 13 prazas das que dispón o Concello de Carballo para a Campaña de Inverno 2018, unha iniciativa da Deputación da Coruña que facilita aos nenos e ás nenas a práctica do esquí. No sorteo estiveron presentes o alcalde, Evencio Ferrero; o concelleiro de Deporte, Marcos Trigo; o técnico de Deportes, Manuel Varela Bardanca, e o funcionario municipal Vítor Recarei. O listado cos resultados pode descargarse ao final desta nova.

Este ano o destino é a estación de Cabeza de Manzaneda, e ao Concello de Carballo correspóndelle a primeira quenda, do 2 ao 5 de febreiro. Por ese motivo, as familias dos nenos e nenas seleccionados/as no sorteo público deben presentar a documentación á maior brevidade nas oficinas da área de Deportes do Concello de Carballo, situadas na rúa Vila de Corcubión.

Documentación

• Ficha de inscrición debidamente cuberta e asinada polos pais ou titores do/a solicitante. A ficha pode descargarse ao final desta nova.
• Foto tamaño carné
• Fotocopia da tarxeta sanitaria
• Fotocopia do carné de identidade ou do libro de familia
• A copia do aboamento da cota de inscrición tamén é imprescindible, pero farase cando a praza estea confirmada e a Deputación da Coruña publique na súa páxina web o número de conta no que debe facerse o ingreso.
• No caso de que o/a neno/a tivese tratamento ou doenza que teña que ser tido en conta, axuntarase certificado médico asinado por facultativo/a. De igual xeito no caso de medicación específica ou alerxia alimentaria ou doutro tipo.  

Ligazóns

Descargas